INX મીડિયા કેસ: પૂર્વ નાણાં પ્રધાન પી. ચિદમ્બરમને આજે સીબીઆઈ કોર્ટમાં રજૂ કરવામાં આવશે.

    પી. ચિદમ્બરમ ની આઈએનએક્સ મીડિયા કેસમાં સીબીઆઈ દ્વારા ધરપકડ કરવામાં આવી.

    0
    36
    INX મીડિયા કેસ: પૂર્વ નાણાં પ્રધાન પી. ચિદમ્બરમને આજે સીબીઆઈ કોર્ટમાં રજૂ કરવામાં આવશે.
    પી. ચિદમ્બરમ ની આઈએનએક્સ મીડિયા કેસમાં સીબીઆઈ દ્વારા ધરપકડ કરવામાં આવી.

    પૂર્વ નાણાં પ્રધાન પી. ચિદમ્બરમ (પી. ચિદમ્બરમ)ની આઈએનએક્સ મીડિયા કેસમાં સીબીઆઈ દ્વારા ધરપકડ કરવામાં આવી છે. બુધવારે રાત્રે 10:16 ની આસપાસ સીબીઆઈએ ઓફિસમાં કોંગ્રેસના દિગ્ગજ નેતા પી.ચિદમ્બરમની ધરપકડ કરી. ધરપકડ કરવામાં આવે તે પૂર્વે સીબીઆઈએ પી ચિદમ્બરમને જોરબાગ આવેલ તેમના ઘરેથી અટકાયતમાં લીધો હતો. જો કે, સેન્ટ્રલ ઇન્વેસ્ટિગેશન એજન્સી સીબીઆઇને તેને અટકાયતમાં લેવા માટે ઘણા પ્રયત્નો કરવા પડ્યા હતા. આ પછી પી.ચિદમ્બરમને આજે સીબીઆઈ રૌસ અવેન્યુ કોર્ટમાં રજૂ કરી શકાય છે.

    એજન્સીના અધિકારીઓએ પૂર્વ નાણાં પ્રધાનને તેમના નિવાસસ્થાનથી સીબીઆઈના મુખ્ય મથક લઈ ગયા. આ અગાઉ ચિદમ્બરમ કોંગ્રેસના મુખ્યાલયમાં મીડિયાને સંબોધન કર્યા બાદ તેમના નિવાસસ્થાને પહોંચ્યા હતા. સીબીઆઈના અધિકારીઓની ટીમ દિલ્હી પોલીસ અધિકારીઓ સાથે જોર બાગ આવેલ ચિદમ્બરમના નિવાસસ્થાને પહોંચી હતી. થોડો સમય માટે મુખ્ય દરવાજો ખટખટાવ્યા પછી, અધિકારીઓએ પરિસરની દિવાલ બંધ કર્યા બાદ ઘરમાં પ્રવેશ કર્યો. એજન્સીના એક વરિષ્ઠ અધિકારીએ જણાવ્યું કે. “પી ચિદમ્બરમને આઈએનએક્સ મીડિયા કેસના સંદર્ભમાં ધરપકડ કરવામાં આવી છે,”

    સીબીઆઈના એક પ્રવક્તાએ કહ્યું કે ચિદમ્બરમને એક સક્ષમ અદાલતે જારી કરેલા વારંટના આધારે ધરપકડ કરવામાં આવી છે. સૂત્રોએ જણાવ્યું હતું કે ચિદમ્બરમને તેમના નિવાસ સ્થાને ધરપકડ કર્યા પછી, રામ મનોહર લોહિયા હોસ્પિટલમાં લઈ જવામાં આવ્યા હતા જ્યાં તેની તબીબી તપાસ કરવામાં આવી હતી. સૂત્રોના જણાવ્યા અનુસાર ચિદમ્બરમને સીબીઆઈ હેડક્વાર્ટરના ગ્રાઉન્ડ ફ્લોર પર એજન્સીના ગેસ્ટ હાઉસના 5 નંબરના સ્વીટમાં રાખવામાં આવ્યા છે. આજે ગુરુવારે તેમને વિશેષ સીબીઆઈ કોર્ટમાં રજૂ કરવામાં આવશે, જ્યાં એજન્સી તેમના રિમાન્ડ ની માંગ કરશે.

    ચિદમ્બરમ બુધવારે સાંજે અચાનક કોંગ્રેસના મુખ્ય મથકે પહોંચ્યા હતા, જ્યાં તેમણે રાત્રે આઠ વાગ્યે મીડિયાને સંબોધન કર્યું હતું. તેમણે દાવો કર્યો હતો કે તે “કાયદાથી ભાગી રહ્યો નથી અને તેના પરના આક્ષેપો” ખોટા છે. આ દરમિયાન તેમની સાથે કોંગ્રેસના વરિષ્ઠ નેતાઓ અહેમદ પટેલ, કપિલ સિબ્બલ, સલમાન ખુર્શીદ અને અભિષેક મનુ સિંઘવી પણ હાજર હતા. એજન્સીઓ દ્વારા પૂર્વ નાણાં પ્રધાનના ઘરે પહોંચતા પ્રતિક્રિયા આપતાં ચિદમ્બરમના પુત્ર અને સાંસદ કાર્તિએ ટ્વીટ કરીને જણાવ્યું, “એજન્સીઓ દ્વારા કરવામાં આવતું નાટક અને તમાશો ફક્ત સનસનાટી ફેલાવવા અને કેટલાક તમાશા બાજીના ફાયદા માટે છે.”

    LEAVE A REPLY

    Please enter your comment!
    Please enter your name here