ચંદ્રયાન -2: લેન્ડર વિક્રમનું શું થયું, ક્યાં અને કઇ પરિસ્થિતિમાં છે, ત્રણ દિવસમાં મળી શકે છે, ખબર

    ચંદ્રયાન -2: લેન્ડર વિક્રમનું શું થયું ત્રણ દિવસમાં મળી શકે છે, ખબર

    0
    52
    ચંદ્રયાન -2: લેન્ડર વિક્રમનું શું થયું, ક્યાં અને કઇ પરિસ્થિતિમાં છે, ત્રણ દિવસમાં મળી શકે છે, ખબર
    ચંદ્રયાન -2: લેન્ડર વિક્રમનું શું થયું, ત્રણ દિવસમાં મળી શકે છે, ખબર

    ચંદ્રયાન -2 ના લેંડર વિક્રમનો ચંદ્ર પર નરમ ઉતરાણ થાય તે પહેલાં ગ્રાઉન્ડ સ્ટેશન સાથે સંપર્ક તૂટી ગયો હતો. તે સમયે લેન્ડર ચંદ્રની સપાટીથી માત્ર 2.1 કિલોમીટર દૂર હતું. વિક્રમનું ખરેખર થયું શું, તે ક્યાં અને કેવું છે તે વિશે કોઈ માહિતી મળી નથી. પરંતુ ઓર્બિટર પર લાગેલ અત્યાધુનિક સાધનો ટૂંક સમયમાં આ બધા પ્રશ્નોના જવાબ આપી શકે છે. ઇસરોના એક વરિષ્ઠ વૈજ્ઞાનિકે અમારા સહયોગી અખબાર ટાઇમ્સ ઑફ ઈન્ડિયાને કહ્યું છે કે, આગામી 3 દિવસમાં વિક્રમ ક્યાં અને કેવી સ્થિતિમાં છે, તે જાણી શકાય છે.

    ઓર્બિટર 3 દિવસ પછી તે જ બિંદુ પરથી પસાર થશે

    ટાઇમ્સ ઑફ ઈન્ડિયા સાથે વાત કરતા સિનિયર સાયન્ટિસ્ટે કહ્યું કે, ‘લેન્ડર વિક્રમ 3 દિવસમાં મળવાની શક્યતા છે. તેનું કારણ છે કે .જ્યાં લેન્ડર સાથેનો સંપર્ક ખોવાઈ ગયો હતો, તે સ્થળે પર ઑર્બિટરને પહોંચવામાં 3 દિવસનો સમય લાગશે. અમે ઉતરાણ સ્થળ જાણીએ છીએ. છેલ્લી ક્ષણોમાં, વિક્રમે પોતાનો માર્ગ ગુમાવ્યો હતો, તેથી આપણે ઓર્બિટરના 3 ઉપકરણો SAR એસએઆર (સિન્થેટીક અપચર રડાર) IR આઈઆર સ્પેક્ટ્રોમીટર અને કેમેરાની મદદથી 10 x 10 કિલો મીટર નો વિસ્તારની તપાસ કરવી પડશે. વિક્રમને શોધવા માટે, આપણે તે વિસ્તારના હાઈ રીઝોલ્યુશનવાળા ફોટા લેવા પડશે.

    જો વિક્રમના ટુકડા થઇ ગયા હશે, તો તેને શોધવું મુશ્કેલ છે.

    વૈજ્ઞાનિકે એ પણ સ્પષ્ટ કર્યું કે જો વિક્રમે ક્રેશ લેન્ડિંગ કર્યું હશે અને તેના ટુકડા થઇ ગયા હશે તો તેની મળવાની સંભાવના ઓછી હશે. જો તેના ઘટકને નુકસાન નહીં થયું હોય, તો તે હાઈ-રીઝોલ્યુશન ફોટોગ્રાફ્સ દ્વારા શોધી શકાય છે. ઇસરોના ચીફ કે. સિવન એ એમ પણ કહ્યું છે કે, આગામી 14 દિવસ સુધી લેન્ડર વિક્રમનો સંપર્ક કરવાનો સતત પ્રયાસ કરવામાં આવશે. ઈસરોની ટીમ સતત મિશનના કામમાં લાગી છે. આવી સ્થિતિમાં દેશને આશા છે કે તેને આગામી 14 દિવસમાં કોઈ સારા સમાચાર મળી શકે છે.

    ચંદ્રયાન 2: ઇસરો સેન્ટરનો ભાવનાત્મક વિડીયો, મોદીએ ભાવુક ઇસરો ચીફને ભેટ્યા

    શુક્રવારે મોડીરાતે 2 કિલોમીટરના અંતરે ચંદ્રયાન 2 ચંદ્ર પર આવીને કયાંક ‘ખોવાઈ ગયો’. આ પછી, પીએમ નરેન્દ્ર મોદીએ શનિવારે સવારે ઇસરોના વૈજ્ઞાનિકોને સંબોધન કર્યું હતું. ભાષણ દરમિયાન વડા પ્રધાને મિશન સાથે સંકળાયેલા દરેકને પ્રોત્સાહન આપ્યું. આ સમય દરમિયાન, મિશન પૂર્ણ ન થવાને કારણે ઇસરો સેન્ટરમાં નિરાશા જોવા મળી હતી, મોદીનું ભાષણ સમાપ્ત થયા પછી ઇસરો ચીફ પણ ભાવનાશીલ થયા હતા. ઈસરો ના ચીફ મોદીજીને મળતા ભાવુક થઈને રડવા લાગ્યા. મોદીજીએ સાંત્વના આપતા કહ્યું કે, “જ્ઞાનનો જો કોઈ મોટો શિક્ષક હોય, તો એ વિજ્ઞાનમાં નિષ્ફળતા નથી હોતી, માત્ર પ્રયોગ અને પ્રયાસ હોય છે” મિશન ચંદ્રયાન ભલે ઇતિહાસ ન બનાવી શક્યું, પણ ઇતિહાસ વિજ્ઞાનિકોના કામ અને મહેનતને હંમેશા યાદ રાખશે, અને આપણે ફરી સફળ થઈશું. જુઓ આ વિડીયો…

    વિક્રમ હજુ મળવાની અપેક્ષા છે, પ્રયાસો ચાલુ રહેશે: ઇસરો ચીફ

    ઇસરોના ચીફ કે. સિવને TOI ને એમ પણ કહ્યું કે હજી લેન્ડર વિક્રમ મળવાની સંભાવના છે. તેમણે કહ્યું, ‘ઓર્બિટરની ઉંમર 1 વર્ષ નહીં પણ સાડા સાત વર્ષથી વધુ છે, જે અગાઉથી કહેવામાં આવ્યું હતું. તેના કારણે તેની પાસે ઘણું બળતણ વધ્યું છે. ભ્રમણકક્ષા પર લગાવેલા ઉપકરણો દ્વારા લેન્ડર વિક્રમ મળે તેવી સંભાવના છે.

    ભ્રમણકક્ષા કરનાર ઓર્બિટર તે બધી વસ્તુઓ કરશે જે લેન્ડર, રોવર નથી કરી શકતા.

    ચંદ્રયાન -2 તેના ઉદ્દેશ્યમાં લગભગ 100 ટકા સફળ રહ્યું છે. 2008 ના ચંદ્રયાન -1 મિશનના પ્રોજેક્ટ ડિરેક્ટર અને ભૂતપૂર્વ ઇસરોના વૈજ્ઞાનિક એમ. અન્નાદુરાઇએ ટાઇમ્સ ઑફ ઈન્ડિયાને કહ્યું હતું કે ઓર્બિટર એવા કામ કરશે જે લેન્ડર અને રોવર નથી કરી શકતા. તેમણે કહ્યું, “રોવરનું સંશોધન ક્ષેત્ર 500 મીટર સુધીનું હશે પરંતુ ઓર્બિટર તો લગભગ 100 કિલોમીટરની ઉંચાઇથી આખા ચંદ્રને મેપ કરશે.”

    LEAVE A REPLY

    Please enter your comment!
    Please enter your name here